DO T'IU TREGOJ QË VLEJ £80 MILION, THOTË RONALDO

DO T'IU TREGOJ QË VLEJ £80 MILION, THOTË RONALDO


Cristiano
Ronaldo do të tregojë se ia vlen për transfertën rekord prej 80 milionë
paundësh ($131.3 milionë), që Real Madrid pagoi skuadrën e tij
Manchester United, tha futbollisti të shtunën.



“Unë e
respektoj opinionin e gjithsecilit, por nuk jam dakord me këta njerëz
(që kritikuan faturën)”,- tha sulmuesi portugez në një intervistë për
të përditshmen sportive Marca.

"Nëse Real Madrid pagoi një shumë
të tillë, e bëri sepse më dëshironin në skuadrën e tyre dhe se mendonin
se ia vlente. Unë do të bëj gjithçka për të provuar se paratë që ata
shpenzuan për mua, janë shpenzuar mirë”.

Presidenti i klubit,
Florentino Perez, tha se Ronaldo dhe mesfushori brazilian Kaka, të
cilin Reali e bleu nga AC Milan për afro 67 milion euro ($93.93
milionë), do të jenë dy shtyllat e projektit të ri të skuadrës.

Sulmuesi
francez Karim Benzema dhe mbrojtësi spanjoll Raul Albiol, gjithashtu i
janë shtuar valës së shpenzimeve që kanë arritur në rreth 215 milionë
euro, duke ngritur kritika nga qeveritë, skuadrat rivale dhe presidenti
i UEFA Michel Platini.

"Mendoj se është një çmim i drejtë. Nëse
Real dhe Manchester United kanë rënë dakord për këtë, atëherë nuk ka
ç’të thuhet më",- shtoi Ronaldo.

"Futbollistët e mëdhenj
kushtojnë shumë para dhe ai që i do ata, duhet të paguajë. Jam i lumtur
të jem futbollisti më i shtrenjtë në botë”.