TERRY MBETET KAPITEN NË CHELSEA!
Kapiteni i Chelseas, John Terry nuk do të transferohet në Manchester City gjatë kësaj vere, ka insistuar klubi londinez. Menaxheri i Cityt, Mark Hughes, ka konfirmuar interesimin për mbrojtësin anglez, pavarësisht refuzimit të ofertës së re prej 30 milionë funta për 28 vjeçarin.
Por, drejtori ekzekutiv i Chelseas, Peter Kenyon, ka thënë: “Ai nuk është në shitje për çfarëdo çmimi. Terry ka kontratë trevjeçare. Ai na ka thënë se nuk dëshiron të largohet, ndërsa ne nuk dëshirojmë ta shesim. Fundi i tregimit”.
Terry ishte në Stamford Bridge të mërkurën, derisa Chelsea njoftoi se ka vazhduar marrëveshjen e sponsorizimit me kompaninë Samsung deri më 2013. Komentet nga Hughes kanë ardhur pas atyre të Hughes, i cili konfirmoi interesimin për mbrojtësin.
“Ne mendojmë se mund t’i ofrojmë një sfidë tjetër. Kur kaloni një kohë të gjatë në një klub, ju arrini në një pikë ku ndryshimi i skenarit do të ishte ide e mirë”, tha Hughes i cili periudhën më të gjatë të karrierës si futbollist e kaloi në Manchester United, para se të transferohet në Chelsea më 1995.
Ai shënoi 39 gola në 123 paraqitje gjatë tri sezoneve të kaluara në Chelsea, ndërsa Terry ka depërtuar nga ekipi i të rinjve. / albeu / foto: theholywoodnews.com / 17 korrik 2009