MOURINHO: REAL NUK MUND TË MË FRIKËSOJË!
"Nuk kam asgjë të veçantë të them rreth kësaj çështje. Nuk i frikësohem Realit dhe as skuadrave italiane". Ai më pas ka folur për numrin e madh të futbollistëve që ka në skuadër dhe ka paralajmëruar largime.
"Nuk jam i kënaqur me numrin e madh të futbollistëve, sepse kjo po më shkakton problem në përgatitjen e skuadrës. Në fushë luajnë 11 futbollistë, nuk më nevojiten 30 futbollistë në skuadër. Në ditët e sotme futbollistëve iu intereson vetëm paraja dhe jeta ekskluzive, në vend të disa gjërave më të rëndësishme.
Disa qëndrojnë në skuadra ku trajneri nuk llogarit në shërbimet e tyre, në vend se të kërkojnë ndonjë klub të ri. Himenez ka bërë një veprim të qëlluar, duke kaluar në radhët e Uest Hemit.
Futbollistët e tjerë nuk dëshirojnë të shkojnë, kurse unë jam i detyruar t'i respektoj kontratat e tyre. Dëshiroj t'i lë të lirë tetë futbollistë për t'u larguar nga klubi dhe të sjellë në skuadër katër tjerë. Nëse arrijmë ta bëjmë këtë, atëherë do të jemi në rrugën e duhur", ka sqaruar 46-vjeçari portugez. / rtklive / foto: guardian / 15 korrik 2009